مشاهدة النسخة كاملة : كشكول اسير ^^


اسيرالكبرياء
27-11-2011, 04:13 PM
بسم الله الرحمن الرحيم

اليوم اول ايام السنه الجديده (1/1/1433) ,
وككل سنه نودع الايام الماضيه
بكل مافيها من لحظات فرح وحزن , ونبدا صفحة جديده من اعمارننا
ارجو ان تكون سنة خير وبركه

وكما جرت العاده نبارك لبعضنا بالسنه الجديده ^^
فككل سنه اكون متشوق لمعرفة من هو اول من يبارك لي
بهذه السنه ^^
(( طبعاً كان عضو معنا بالمنتدى ))
^^

http://www.youtube.com/watch?v=vBILG7IPxEM&feature=related

اسيرالكبرياء
27-11-2011, 04:46 PM
اليوم السبت
1/1/1433


اليوم كان الجو مرا روعه كان جو ممطر , وجميل
وكأي مواطن سعودي بمثل هذا اليوم مايصلح الى 4 اشياء :

1- كشتة بر :5wa6-17:
2- تفحيط ^^
3-شووي على البحر
4-يطلع يركض بالشارع مثل الخبل :5wa6-32:

وبمناسبة الجو الرائع , اراد بعض دكاترة الجامعه ( الاشرار ) ,
بتخريب الجو على الطلاب ,:ranting:
طلعو درجات بعض المواد ^^

وبكل امانه , درسة واجد وانلحسة اصلا من كثر ماراجعت الماده ,
اول ما دخل الاخ الكريم ( الدكتور ) , بدا بتوزيع الدرجات ,
طبعاً كالعاده اذا كنت متحمس تسمع درجتك تكون اخر واحد تطلع درجته :5wa6-20:
^^

اسمع الدكتور يقول :
فلان بن فلان 7/20
وفلان بن فلنتان 11/20
وفلان الفلاني 4/20

ههه انا كنت خايف يجي اسمي , وبنفس الووقت متحمس
شوي الى الدكتور يقول :
عبد الرحمن ال .... (انـــا)
17 /20
كانت مادة محاسبة ماليه
يووه وربي زعلت توقعتها اكثر ههه
على قولت صديقي , يقول انت مثل المصريين
من تنقصك درجة تزعل ^^
يقولي : شوف انا ماخذ 4/20 والحمد الله الوضع تمام
هههههه
يعني يبي يخفف عني

بس جد يعني على مراجعتي للماده كان لازم اجيب اكثر
المشكله اخطائي كانت تافهه
بس الحمد الله على كل حال

^^

اسيرالكبرياء
27-11-2011, 05:22 PM
اليوم الاحد
2/1/1433


اليوم كان الجو مقيم بس مافي مطر , وكل عاده صادني عدو البيئة
(( ســـاهر )) :ranting:


اليوم ماصار شي مميز , بس وانا اتصفح بـ googel
عجبتني خاطره , وحبيت اكتبها بمدونتي


أنا يابحر ماجيتك فضى ولمشاهدك شفقان ...
أناجيتك أبنسى الياس وبعـض الهـم يبارينـي ...
على جالك انا جالس اسامر موجك الغضبان ...
أسولف له عن اوجاعي وعناي وغربه سنيني ...
علامك يابحر غاضب علامك تصرخ بكتمان ...
انا جيتـك ابشكيلـك وابـي منـك تواسينـي ...
أنا مثلك بحر لكن وسط نفسي انا غرقان ...
تعبت ابحـر مـع نفسـي واسالهـا انـا وينـي ...
انا محتار في وصفي ومع نفسي انا حيران ...
انا لاقـادر افهمهـا وهـي تجهـل مضامينـي ...
أنا مليت من حزني وتعبت ابحث عن السلوان ..
ولاضنيت به شـي عـن احزانـي يسلينـي ...
احس ان الحزن عالم بحورة وصحوة ووديان..
تخيل يابحر حجمه اذا حجمـه سكـن فينـي ...
تصور لو شقا الدنيا تجمع في كيان انسان ...
تصدق مابقى بالكون اسى مابـات فـي عينـي ...
ترى كل الحزن لو غاب وراح لاخر الاوطان ...
يغيب ويرتحل لحظات ويرجع يستقر فينـي ...
أنا اخر فصول الحزن وأنا لدروبه العنـوان ...
وانـا اخـر عزوفاتـه واصواتـه تغنينـي ...
انا والليـل والغربـه تعانقنـا مثـل الاخـوان ...
ليلـي كـل آهاتـي وللغربـه عناوينـي ...
تعبت اسقى ثرى احلامي وأزرع بالوهم بستان ...
تعبت ولانبت زرعي وتعبت وجفت بساتيني ...
جحدني حظي العاثر رماني بسكه الحرمان ...
جحدنـي ولامـرة علـى الفرحـه يرسينـي ...
ألايابحر جاوبني وش اخر هذي الاحزان ...
وش اخر رحله أوجاعي وعناي وغربـه سنينـي ...

^^

اسيرالكبرياء
28-11-2011, 05:31 PM
اليوم الاثنين
3/1/1433



الجو اليوم براد ^^
اليوم الحمد الله اختبرت , صدق انه كان صعب , بس ابدعت فيه

.....

الصراحة ما اتمنى يجي بكرا
هههههه
لانه عندي موعد بكرا مع دكتور الاسنان :5wa6-32:
وانا عاد قصة مع دكتور الاسنان

طبعا بدت السالفه يوم كنت في صف خامس الابتدائي ,
اعتقد اول تجربه لي عند دكتور الانسان , طبعا ماكنت خايف
بالعكس كنت متحمس كأول تجربة ^^
:5wa6-31:

لاكن المشكلة الدكتور الاحمق خلع السن بدون بنج
:cry:
ومن بعد ذيك المره صار عندي عقده من دكتور الاسنان
يعني اتحمل الالم ولا اروح لتدكور الاسنان :5wa6-32:
واخوي الصغير يقولي روح عادي مايعور <<مع نفسك مايعور هههه

بس هالمره قلت لا ياولد عيب شكبرك وتخاف من دكتور الاسنان
هههههه
الله يعين بس , طبعا موعدي بكرا
الله يسهل بس

طبعا من المواقف االي صارت لي مع دكاترت الاسنان
ههههههههههههههه
الي عضيت اصبعه , والي لعبت معه صيده هربه ,والي رفسته وطيرته بعيد
:5wa6-32:ـــــــــــــــــــــــــــــــــــــــــــــــ ـــ

اليوم وانا اتصفح الاخ googel
كانت في بالي عدت اسأله , عن الذئب !!
هل جد تخاف منه الجن !!
هل يستطيع انه يشوف الجن !!
هل ياكل الجن اصلا !!

والحمد الله حصلت المعلومه فحبيت اثبتها هنا ^^

http://up.arab-x.com/Nov11/KUd90473.jpg (http://up.arab-x.com/)



لماذا يخاف الجن من الذئب خاصا؟!

فلماذا لا يخاف من الكلاب مثلا..او اي حيوان اخر!!


في الذئب خاصيتان ..
أولا: أنه إذا وقع عينه على جني فإن الذئب لا يحول عنه بصره بل يثبت نظره عليه بشكل تام .. ولو فصل بينهما واد لدار الذئب حوله من جهة ألا يجعل هذا الجني الذي رصده بنظره يغيب عن عينه لحظة واحدة بسبب واد أو شجرة أو عازل بينهما بل يجتنب كل مانع عن الرؤية ... و السر في ذلك أن الأرواح الجنية يقيدها النظر .. فلا تستطيع الإنصراف ما دام النظر متعلقا بها .. ويعرف ذلك من إشتغل بالتحضير و تظاهر له الجن فإن الجني لا ينصرف ما دام النظر معلقا به .. و أحيانا يصور لك صورة وهمية بأنه يتحرك من مكانه إلى جهة من الغرفة .. فإذا تبعته بنظرك إختفى و إنصرف .. وإذا ثبتت نظرك على المكان الذي خرج منه فسرعان ما تتلاشى الصورة التي أوهمك بها وتراه في نفس المحل ... إذا النظر يقيدهم .



ثانيا: الأرواح عموما سواء كانت ملائكة أو جن .. تكون هناك خاصية في موطيء قدمها على الأرض ..

و بالنسبة للجن .. ولو كان متشكلا في صورة غنسي بلحم ودم .. و وقع في نفسك أنه جني .. فضع قدمك مكان موضع قدمه على أثر خطوته .. فإنه يتسمر في مكانه و لا يعدوه .. والذئب يطلب ذلك في عدوه وراء الجني ... و إلا فالجني أسرع منه بيقين .. اإلا أنه يسمره في مكانه من هذين الطريقين



http://up.arab-x.com/Nov11/4V690473.jpg (http://up.arab-x.com/)

وبالنسبه..لأكل الذئب للجن..فهذا هو الموضوع الإهم..

كثير من الناس يعتقدون أن الجن لا يستطيعون التمثل بالذئب ويخافون من رائحته ، وأنه مسلط عليهم فيفترسهم في حالة مواجهتهم..هل هذا صحيح!

دعونا نري ما هو رأي العلماء في ذلك :
هم يؤيدون واقعه أكل الذئب للجن..وتفسيرهم لذلك..

أن للذئب قدرة خارقة على قهر الجان وأن هذه القدرة تتمثل في عينه التي لا تفقد بريقها حتى بعد موته...
فعينه تلك التي لا ترمش حتي أثناء نومه..وراء كل ذلك
هم لا يمتلكون دليلا علي أنه يستطيه الذئب أكل الجن مباشره أي أن يكون الجن في حالته الطبيعيه
ويؤكدون علي أنه يستطيع أكله إذا كان علي هيئة إنسان أو حيوان

ماذا عن رأي علماء الدين
هذا قول فضيلة الشيخ عبدالله بن عبدالرحمن الجبرين..حفظه الله

""هكذا سمعنا من كثير من الناس ، وذلك ممكن فقد ذكر لي من أثق به أن امرأة كانت مصابة بالمس ، وأن الجني الذي يلابسها كان يخرج أحياناً ويحادثها وهي لا تراه ، ويجلس في حجرها وهي تحس به ، وفي أحد المرات كانت في البرية عند غنمها وفجأة خرج ذئب عابر ، فوثب الجني من حجرها ورأت الذئب يطارده ورأته وقف في مكان ما ، وبعد ذهاب الذئب جاءت إلى موضعه فرأت قطرة من دم ، وبعد ذلك فقدت ذلك الجني ، وتحققت أنه أكله الذئب ، وهناك قصص أخرى ، فلا مانع من أن الله أعطى الذئب قوة الشم لجنس الجن أو قوة النظر ، فيبصرهم وإن كان البشر لا يبصرهم ، فلعلهم بذلك لا يتمثلون بالذئب ويخافون من رائحته ، فليس ذلك ببعيد""


أي أنهم يؤيدون ذلك...

هذا ما توصلت إليه خلال بحثي..

"إذا تمثل الجن فى صورة غير صورته الحقيقية وتمكن منه أى من الأنس بالأمساك به وقيده فهو يستطيع أن يحبسه فى هذه الصورة إلى الأبد أو يقضى علية حتى وكما ورد عن الرسول صلى الله عليه وسلم
حينما أمسك بواحد منهم وقال: أنه أوشك أن يقيدة إلى سارية المسجد ليلهوا به صبيان المدينة ولكنه صلى الله عليه وسلم أطلقه حتى لا تصير أمرا ً واجبا ًعلينا كمسلمين بالإمساك بهم أعاذنا الله وإياكم - فإذا كان هذا من قدرة البشر فمابالك لو إلتقى الذئب عدو الجنسين بجنى على غير صورته النارية "




نــصــيحة


إذا وجدت نفسك فجأة في الغابة .. وهجم عليك ذئب متوحش هناك .. طريقتان للنجاة :
عليك بالجري دائريا ..تسألني لماذا ؟


الذئاب وكما علمت عمودها الفقري مستقيم متصل بالرقبة ولا يسمح لها بالألتفاف إلا بزواية بسيطة جدا
وبالتالي فإن الدوران الدائري يتعب الذئاب ..فيترك فريستها ويذهب بعيد !!!
الطريق الثانية للنجاة ليس فقط من الذئب بل من الأسود أيضا وجميع آكلات اللحوم..
وهي : لاتذهب للغابة من أصله


^^

اسيرالكبرياء
29-11-2011, 02:14 PM
اليوم الثلثاء
4/1/1433



طبعا اليوم كان الجو مرا روعه وكان ممطر بقوه
اليوم كان اليوم المنتظر , يوم الرعب العالمي

اول ما وصلت عيادة الاسنان طبعا كنت ارجف
دخلت على الدكتور وانا ارجف يقولي اهلين
شكلك مو مستعد صح
, اذا مو مستعد خله الاسبوع الجاي << يعني لو طلعت تفكر تشوف وجهي مره ثانيه ^^

قلتله لا مستعد , طبعا صارت بلاوي , اول شي جرح خدي بالدرير حقهم مدري وش اسمه
الحفاره
ومن خظي الردي طلع ضرسي فيه 4 جذور << ضرس حمار وانا مدري ^^

وخيطو اللثه كلها لانه في نزيف , ودم يتطاير هههه
حسيت فلم رعب

طبعا انا الحين جالس اكتب بالمدونه وفمي مسكر ورايح فيها
زين اصلا اني باقي عايش

^^

اسيرالكبرياء
30-11-2011, 03:49 PM
اليوم الاربعاء
5/1/1433


اليوم الجو براد والدنيا غرقانه موي
طبعا الحاله الم X الم

http://up.arab-x.com/Nov11/oZK46270.jpg (http://up.arab-x.com/)

طبعا لازم اسبوع ما اكل الى سوائل
والاخوان جالسين يقهروني كل يوم من مطعم :5wa6-42:


حتى اليوم كان علي اختبار قرءان , استغفر الله
مدري احس الفت التورات , بس اهم شي حليت

طبعا مافي شي مهم صار اليوم او شي مميز
لاني اكثر الوقت بغرفتي مع معاناتي

فديتها الوالده
امس واليوم كله ماتاكل ضايق خلها علي :5wa6-11:
الله يخليك لي يا يمه وطول بعمرك
:5wa6-2:


^^

اسيرالكبرياء
01-12-2011, 07:30 PM
اليوم الخميس
6/1/1433



اليوم الجو مشرق وجميل ^^
طبعا اليوم ماطلعت من البيت بسبب الحاله الصحيه
ماتسمح اني اطلع , لاكن وانا اليوم اتصفح اليوتويب

حصلت انشوده لها احلى ذكريات حياتي
طبعا الانشوده قديمه , بس رجعتني للورا بذكريات حلوه

^^
بنزل الانشوده هنا مع موضووع عجبني حصلته اليوم
وانا اتصفح googel

اتمنى يعجبكم
ــــــــــــــــــــــــــــــــــــــــــــــــــ ـــ



http://www.youtube.com/watch?v=_uN3mfoBxLA

http://up.arab-x.com/Nov11/VHl56498.jpg (http://up.arab-x.com/)

[دمعة إشتياق]

عندما تعشق شخص ذو شخصيه رائعه وفريده من نوعها

وفجأه وبين ليله وضحاهايتغير

فتشتاق لعودة الشخص القديم الذي أحببته منذ القدم

فتدمع عينيك اشتياقا للشخصيه التي تلاشت واختفت

[ دمعة إشتياق ]

عندما يغيب أعز الخلان فجأة.؟ ! لاإتصال ولاخبر فتقلق وتحتار

وتشتاق لمجرد إتصال منه ولكن بلا فائده

فستدمع العيون اشتياقا له ولملاقاته !!
[دمعة إشتياق ]

عندما تعيش طفوله سعيده مليئه بالذكريات الحلوه ومع مرور الايام والسنين

يصيبك الهم والغم وتتمنى رجعة الايام ولو لدقايق معدودوه

فستدمع العيون اشتياقا للماضي و للطفوله البرئيه

[دمعة إشتياق ]

عندما يغيب ملهم اشعارك وابيات القصيد والوحي وضوء شمعتك فـ الظلام

فيشتاق القلب له ويطول الانتظار بلافائده

فستدمع العيون اشتياقا للحبيب المختفي والضوء المنير

[دمعة إشتياق ]

عندما يقبض الله روح عزيزه عليك وكان رحمه الله كاتم الاسرار والصديق الحقيقي

وكان هو من تحضر معه عزاء الاهل والاقارب واليوم انت تحضر عزاءه

فستدمع العيون اشتياقا لتواجده معك وحاجتك اليه


[دمعة إشتياق ]

عندما تكون في ديره بعيده عن بلادك والوطن الذي ترعرعت فيه فتحن للماضي

والرجوع بين الأهل والأصحاب والحبيب الذي يضمك و يغمرك بالحنان و الاطمئنان

فستدمع العيون دمعة اشتياق للرجوع للوطن


[دمعة إشتياق ]

عندما يجافي النوم عيناك الناعستان من شدة التفكير ومصائب الدنيا وتشتاق لتحلم ولتريح

اعصابـك ولو نمت فسترى الكوابيس المفزعه وستسيقظ مرعوبا

فستدمع العيون اشتياقا لليالي الهادئه والاحلام الورديه

اسيرالكبرياء
02-12-2011, 05:52 PM
اليوم الجمعه
7/1/1433


اليوم الجو مشمس وبرااد
او صح نسيت , احم احم

جمعة مباركه

ههه , صح اني متاخر بس ما امداني ادخل اليوم
احنى كل جمعه نجتمع مع العايله الكريمه

طبعا كالعاده اليوم رجة , وفله , ووناسه ,
طبعا هم خلصو وتغدو , وراحو يطعسون بالبر
^^

طبعا انا مارحت , بسبب حالتي الصحيه
:5wa6-4:

طبعا وانا اليوم اتصفح اليوتيوب
لفت انتباهي مقطع
طبعا الكل شايفه اكيد , حق بنت الثمامه مع خاويها

http://www.youtube.com/watch?v=fMV3L56TzIY

طبعا السؤال هنا ايش السبب
هل هو استهتار , تهاون , لا مبالات ,
طلعت من بيتها عفيفه مكرمه والحين هي بين هالذئاب
ووسائل الاعلان ماترحم احد

ايش بكون موقفها , او موقف اهلها , هل بعيشون بهذا العار
طول حياتهم
بسبب هذي الساعات القليله , خربت حياتها وحيات اهلها
الله يستر على اعراض المسلمين
:5wa6-17:

اسيرالكبرياء
04-12-2011, 12:01 AM
اليوم السبت
7/1/1433


اليوم الجو مشمس ورياح شديده
طبعا اليوم مافي شي جديد يعني كالعاده

رحت الجامعه الساعه 11 , وخلصت الساعه 4 العصر
اول ما رجعت جلست على السوني شوي
والحين جالس اتصفح النت

ـــــــــــــــــــــــــــــــــــــــ
طبعا وانا اليوم اتصفح اليوتويب
في مقطعين موتوني ضحك
ههههههههههههههه

الاول
هذا واحد امريكي متعلم اللهجه القصيميه وجالي يدعو صديقته
يبيها تدخل الاسلام << اقص يدي اذا افهمت حرف

http://www.youtube.com/watch?v=9y1ux5C9-o8&feature=g-all

ـــــــــــــــ
والثاني
هذا مقطع استهبال على اغنية حلا الترك الجديده
http://www.youtube.com/watch?v=FYNfUQNTxM0

انشاء الله تعجبكم

اسيرالكبرياء
05-12-2011, 05:42 AM
اليوم الاحد
8/1/1433


اليوم الجو حر بشكل جزئي
طبعا سوري اليوم ماقدرت ادخل للنت كثير
كان عندي مشكله في النت يقطع
والفضل لـ stc <<شركة الانفصالات السعوديه :ranting:

اليوم صار موقف بالجامعه عرفة فيه الشعب السعودي صح
طبعا اليوم واحنا في نصف المحاطره , انفتح باب الكلاس

طبعا ماكنى مصدقين , الي فتح الباب 4 بنات :5wa6-31:
هههه , طبعا هم اول سنه لهم بالجامعه ودخلو قسم الاولاد بالغلط

المهم هنا انكشف الشعب السعودي صح , طبعا سحبو على الدكتور وطلعو كلهم من الكلاس
هههههه شعب سعودي مو شايف خير :5wa6-32:
يووه صار تجمعات والي يقط نغزات على البنات والي يرقم , وهم مساكين خايفيين

وانا اقول بقلبي انشاء الله يطلعون سالمين :s70:

تقريبا هذا الموقف الوحيد الي صارلي اليوم
ــــــــــــــــــــــــــــــــــــــــــــــــــ ـــــــــــــــــ

يمكن ما اقدر ادخل هاليومين او ادخل شوي بسبت النت الخايس :ranting:
يعني لاحد يفقدني :5wa6-31: <<مع نفسك والله محد درا عنك

اي صح علشان ما انسى عندي اختبار الاحد / رياضيات
والاربعاء / اداره مالية

اسيرالكبرياء
06-12-2011, 05:44 PM
اليوم الاثنين
9/1/1433


اليوم الجووو برد مراااااا
ابشركم اليووم انا صاااااااايم :5wa6-31:

انشاء الله اصووم التاسع والعاشر , ويمكن اصوم الحادي عشر
طبعا اليوم المنتدى فااضي , احس الكل مشغوول

يتجهزون للصوم , الفيمتو والسمبوسه << متاثرين برمضان :5wa6-17:
الصراحة انا اليوم مراا مبسوط بالمنتدى , طلع اسمي بأكثر من مسابقه

منها العضو المدلل , وغيرها :5wa6-15: وناااسه
حسيت اني حركتات :5wa6-39: شكرا يا احلى اعضااء

اسيرالكبرياء
07-12-2011, 12:46 PM
اليوم الثلثاء
10/1/1433


اليوم كان برد مرا , طبعا بدا يجي البرد <<الله يعيين
الحمد الله اليوم صمت يووم عشره محرم (عاشورااء )

الله يتقبل مني ومنكم , وكفر سنه قبل
^^

اسيرالكبرياء
08-12-2011, 01:43 AM
اليوم الاربعاء
11/1/1433

اليوم الجو حلو لا برد ولا حر ^^
طبعا اليوم اخيرا دليت طريق مجمع الرااشد

صارلي سنه كل ماجيت احاول ادل طريقه يسكرونه بتحويله
وكل ماجيت ادله يسكرون طريق ويفتحون طريق

هههههههه
اخيرا دليته حركتات حسيت اني سوييق

طبعا المنتدى اليوم مرا سخيف , مدري حسيته فاضي
موب نفس كل مره المشاركات والالعاب

هالمره الكل ناايم , كسلانين ^^
امم اي صح شتريت اليوم من مكتبة جرير كتاب

اكثر من واحد امدحه لي , يقولوون خطير اشتره لايفوتك
اسمه (( قوة عقلك الباطن ))
باقي ماقريته بس كذا عنوانه احس حمسني اني اقرااه

طبعا الحين الساعه 1 ونصف وانا دااايخ مراا
كنت بكتب شوي بمدونتي لاني احس انه من زمان ماكتبت فيها << مو كانك امس كاتب ^^

بس احس اني داايخ قلت خلها بكره
هههههههه
يالله تصبحوون على خير

اسيرالكبرياء
09-12-2011, 07:28 PM
اليوم الخميس
12/1/1433

:5wa6-11:

اسيرالكبرياء
09-12-2011, 07:43 PM
اليوم الجمعه
13/1/1433


اليوم الجوو حلوو مرا , لا برد ولا حر
حتى طلعت مع عمامي للبر , طعسنا شوي وفليناها
حركتات

اوو صح , جمعة مباررركه ^^

امم مدونتي , ودي اتكلم لك
يمكن على الاقل ارتااح شوي , امم سكوتي ما يدل على حزني
بس ما اقدر اوصف شعوري فما القى غير السكووت
اخاف اتكمل ازعل الي حولي لانه وللاسف كلمت الحق صارت تزعل
وان سكت قالو مريض كلا ساكت , مايتكلم , نفسيه , وحيد ... الخ
مايدروون اني اقدر اتكلم بس لو تكلمت زعلت الي حولي كلهم

يمكن يكون هو عيب فيني بس جد
ما اقدر اوصف الحزن والهم الي بقلبي فاضل ساكت مبتسم واجامل
صح اني ما اقدر اتكلم واطلع الى بداخلي
لانه مال لقيت الى الان الشخص الي اقدر اعبرله الي بداخلي
كومة مشاعر متراكمه ومضغوطة واحتمال بي لحظة تنفجر

وللاسف حتى انتي مدونتي ما ارتاح اتكلم لك عن مشاكلي واحاسيسي
لانه مو كل شخص يدخل ويقرا يقدر يواسيني

احم احم ادري تحسون اني منفس كذا جالس اقرقر كلام غير مفهوم
بس ماعليه تحملوني ^^

اسيرالكبرياء
10-12-2011, 06:15 PM
اليوم السبت
14/1/1433


اليوم الجو مشمس وبارد
اليوم اول ما رجعت من الجامعه مدري ايش فيني

كذا اجس كل مفاصل جسمي متكسره
وموب متوازن , احس اني بطيح

حتى الحين الساعه 6:15 باليل وباقي ماتغديت
ههه

المشكله مو هنا , المشكله عندي اختبار بكره
الله يعين وربي موب قادر اذاكر احس كا كلا دايخ
^^

الله يعدي هذا اليووم على خير
اي صح اليوم في خسووف
اسمع تو كل المساجد يصلوون ^^
سوري اليوم ماراح اقدر ادخل المنتدى يمكن اذا خلصت الاختبار دخلت شووي

باي ولاتنسووني من دعائكمم
^^

اسيرالكبرياء
11-12-2011, 08:57 PM
اليوم الاحد
15/1/1433

اليوم الجو حر بس فيه شووي برااد
^^

طبعا اليوم مراا اكشن , ههه , اول ما رجعت اليوم من صلاة الفجر
طبعا كان عندي اختبار فجلست اذاكر شووي

اما اهلي كلهم نايميين , كذاا وانا اذااكر فجأه اسمع اختي تصاارخ
غرفتي احترقت :eek:

طبعا اانا مدري وش السالفه حسبتها حلمانه الاخت :5wa6-17:
واسمعها اتنادي اهلي وهم موب حولها نايميين

رحت اشووف ايش السالفه , ولا الاخت حاطه المنشفه على الدفاايه
واحترقت , لا والذكيه جايبه كاس مووي بتطفي الدفاايه :5wa6-6:

هههههههههههههههههه
وربي موب صااحيه , جيب فصلت الكهرب وجبت منشفه فيها موب وغطيتها
شوي وطفت بحالها

خليتها ورحت اكمل دراستي , وبعد ساعه تقريبا جلس الوالد
اول ما طلع وشااف الدخاان , خااف وجلس يصارخ اطلعو احترق البيت
:5wa6-6:

وربي فقعت ضحك , مسكين متخرع مايدري ايش السالفه
:5wa6-6:
جست
....................................

ايوه وبالنسبه للاختبار كأي طالب سعودي
http://up.arab-x.com/Nov11/zOV25652.jpg (http://up.arab-x.com/)
http://up.arab-x.com/Nov11/qXI25652.jpg (http://up.arab-x.com/)
http://up.arab-x.com/Nov11/gxl25652.jpg (http://up.arab-x.com/)

يعني ضامنين النجااح
هههههههههههههههههههههه
^^

اسيرالكبرياء
12-12-2011, 11:06 PM
اليوم الاثنين
16/1/1433

اليوم الجو برد وغباار قوي
طبعا اليوم كان دوامي بالجامعه من الساعه 1 الظهر
الى الساعه 4 ونصف العصر

وكان اليوم في بالجامعه زي معرض ومحاظره عن الصدق
طبعا كان عنوان المعرض (( بالصدق نحيا ))

طبعا جد كانت المحاظره روووووووووعه معنا الكلمه
القاها الدكتور عبدالمحسن الاحمد مشهوور فالرياض

الله يجزيه الف عافيه وربي انه غير فيني اشيااء كثير
:5wa6-16:

المهم توني واصل من الجامعه وميت جووع
هههههههههه
قالت ياولد مافي غير كنتاكي ^^
وهذاني جالس اتعشى :5wa6-15:

جست هذا الي صار اليوم
^^

اسيرالكبرياء
13-12-2011, 10:39 PM
اليوم الثلثاء
17/1/1433


اليوم الجوو برررد مراا
حتى زكمنا من البرد

اليوم الاخلاق مراا مقفله , جالسين نحاول نفهم مادة الاداره الماليه
كل الي اقوله الله يهدي دكتور الماده

مأسسنا بالماده غلط ومايعرف يشرح
لا واذا سألناه سؤال وماعرف يجاوب يقوول خلني اتأكد من الكتاب
وارد عليكم
بالله ذا دكتور :ranting:
بس احسن امس عبينا استبيان تقييم الدكتور
ههه خسفنا فيه الارض :5wa6-2:

اعتقد بس بكمل ذا السمستر وبمسكونا الباب:5wa6-1:

يارب بس اجيب درجة حلوه بالاختبااار
طبعا تو كنت فبيت واحد من الربع

درسنا اول نصف ساعه , يوم خلاص يأسنا انه نفهم شي
جبنى السوني ولعبنا قييم كره :5wa6-44:

ههههههههههههههههههههههه
ايش نسوي بعد هذا احسن حل

جست هذا الي صاار اليووم

^^

اسيرالكبرياء
15-12-2011, 12:48 AM
اليوم الاربعااء
18/1/1433

اليووم الجوور برد كالعاده جالسين جنب الدفايه
^^
اليوم مراا رووعه
والحمد الله الاختبااار كان مراااا سهل
يالله ماباقي شي ونخلص من ذا السمستر
^^

اليووم انا مرااااااااااااا مبسووووووووووط
:5wa6-17:

برب

اسيرالكبرياء
15-12-2011, 08:22 PM
اليوم الخميس
19/1/1433

اليووم الجو برد كالعاده
بس الاخلاق زفت

اول شي عندي اختبار السبت كلمت صعب شوي عليه
ثاني شي صادني الثور ساهر مع اني والله ماشي 100 بس
:s76: لا والمخالفه 300 ريال واذا ماسديتها لمدت شهر تتضاعف
وفوق كذا اليوم كله جالس افر بأهلي من مكان لمكان

ورااح اليووم كله ولا درست شي
بااقي يوم واحد بس اذاكر فيه الي هو بكراا

انشااء الله اقدر اخلص المنهج قبل الاختبار
اهم شي دعواتكم بليز :5wa6-2:

كان ودي اكتب اكثر بالمدونه بس والله اني مصدع مرااا
قلت انام الحين واجلس بكرا من الصباح اذاكر

يالله تصبحون على خير
لاتنسوون تدعولي
:5wa6-2:

اسيرالكبرياء
17-12-2011, 07:48 PM
اليوم الجمعة
20/1/1433

جــمـعـة مــباركــة
^^

اسيرالكبرياء
17-12-2011, 07:55 PM
اليوم السبت
21/1/1433

اليوم الجو يعني موب برد مراا
يعني الجو حلوو

بس النفسيه لا , اكيد يعني قبل اي اختبار كذا النفسيه
نذاكر قبل الاختبار بأسبوع وقبل الاختبار ننسى كل شي

مثل البلون تنفخه مده وبسرعه يروووح الهواء
^^

طبعا كنت مرتبك اول مادخلت الاختبار , كان اختبارنا 6 صفحات
بس الحمد الله , الله سهل الاختبار , ماحسيت بالوقت جلست اكتب
واكتب واكتب ^^

وخلصت بأول نصف ساعه , يوم قمت اسلم الورقه ما اسمع الى هب عليه
وجع امداه , اف والله خلص واحنا تونا بأول سؤال , وانا اقولهم قولو ماشاء الله
ههههههههههههههه

مدري والله بس حسيت الاختبار سهل مرااا
الحمد الله ماباقي شي ويخلص ذا السمستر
^^
كلها اسبوعين على اسبوع على الاختبارات النهائيه
بالتوفيق للجميع
:5wa6-44:
:s38::s38::s38:

اسيرالكبرياء
18-12-2011, 11:08 PM
اليوم الاحد
22/1/1433

اليوم الجو كان برد الصباح وحر بالليل
^^

طبعا اليوم انا مبسوط لاني اخذت درجاتي
كانت كلها حلوه

بس الصراحة اليوم الجو فالبيت طفش
الوالد مسافر , الوالده عندها ضيوف , اختي معزومه
اخواني الي نايم والي على الاب , اففف طفش

كان ودي اي احد بس اسوبف معه , بس كل واحد لاهي بنفسه
بس يالله خسرها بغيرها
ـــــــــــــــــــــــــــــــــــــــــــ
اليوم وانا اتصفح اليوتيوب
عجبني مقطع حلو قلت احطة بالمدونه , انشاؤ الله يعجبكم
http://www.youtube.com/watch?v=9OEsWyUryuE&feature=g-all-u&context=G2f43545FAAAAAAAAAAA

اسيرالكبرياء
20-12-2011, 05:03 AM
اليوم الاثنين
23/1/1433

اليوم الجو حر شوي
^^

اليووم انا مرااا مبسووط الوالد جئ من السفر
الحمد الله على سلامته

ماباقي شي على الاختباراات النهائيه , احتمال ما ادخل واجد هذي الايام
شدوو حيلكم انتو بعد , والله يوفق الجميع

اسيرالكبرياء
20-12-2011, 01:58 PM
اليوم الثلثاء
24/1/1433

اليوم الجوو حرا
^^

اليوم عملية اختي , :s76:
دخلت المستشفى الساعه 8 الصبح وللحين ماطلعة
الله يشافيها ويعافيها وطلعها بالسلامه ياارب
http://im22.gulfup.com/2011-12-20/1324378656611.gif (http://www.gulfup.com/show/Xmqpgglb66bk04)

اسيرالكبرياء
20-12-2011, 10:04 PM
http://www.youtube.com/watch?v=pV1q3Zp_IcI

اسيرالكبرياء
20-12-2011, 11:49 PM
اليوم الثلثاء
25/1/1433

وانا اتصفح القوقل , اعجبتني قصيده
للشاعر احمد شوقي ^^
غزليه وحبيت ادونها هنا
انشاء الله تعجبكم
،،،،،،،،،،،،،،،،،،،،،،،،،،،،

متَى ستعرف كم أهـواك يا رجـلا
أبيـع من أجلـه الدنيـا وما فيهـا

يا من تحديـت فِي حبـي له مدنـا
بِحـالِهـا وسأمضـي فِي تَحديهـا

لو تطلب البحـر فِي عينيك أسكبـه
أو تطلب الشمس فِي كفيك أرميهـا

أنا أحبـك فـوق الغيـم أكتبهـا
وللعصافيـر والأشجـار أحكيهـا

أنا أحبـك فـوق المـاء أنقشهـا
وللعنـاقيـد والأقـداح أسقيهــا

أنا أحبـك يا سيفـا أسـال دمـي
يا قصة لسـت أدري مـا أسميهـا

أنا أحبـك حـاول أن تساعدنـي
فـإن مـن بـدأ المأسـاة ينهيهـا

وإن مـن فتـح الأبـواب يغلقهـا
وإن مـن أشعـل النيـران يطفيهـا

يا من يدخن فِي صمـت ويتركنـي
فِي البحر أرفـع مرساتـي وألقيهـا

ألا ترانـي ببحـر الحـب غارقـة
والمـوج يمضـغ آمالـي ويرميهـا

إنزل قليلا عن الأهـداب يا رجـلا
ما زال يقتـل أحلامـي ويحييهـا

كفاك تلعب دور العاشقيـن معـي
وتنتقـي كلمـات لسـت تعنيهـا

كم اخترعـت مكاتيبـا سترسلهـا
وأسعدتنـي ورودا سـوف تهديهـا

وكم ذهبت لوعـد لا وجـود لـه
وكم حلمـت بأثـواب سأشريهـا

وكم تَمنيـت لو للرقـص تطلبنـي
وحيرتنـي ذراعـي أيـن ألقيهـا

ارجـع إلـي فـإن الأرض واقفـة
كـأنـما فـرت مـن ثـوانيهـا

إرجـع فبعـدك لا عقـد أعلقـه
ولا لَمسـت عطـوري فِي أوانيهـا

لِمن جَمالي لِمن شَـال الحريـر لِمن
ضفـائـري منـذ أعـوام أربيهـا

إرجع كما أنت صحوا كنت أم مطرا
فما حياتِـي أنا إن لَم تكـن فيهـا

,,,,,,,,,,,,,,,,,,,,,,,,,

اسيرالكبرياء
21-12-2011, 11:06 PM
اليوم الاربعااء
26/1/1433

اليووم الجو حر بشكل جزئي
طبعا اليووم مرااا مبسووط

جئ صديقي امير الشووق معنا بالمنتدى <<<منور يالدب ^^
هههههه , طبعا اليوم فشلنا رد على المدونات ولا يعرف يسوب توقيع
زين المدير ما انتبه لك ولا كان طيرك وطيرني معك ^^
وماشاء الله عليه يقوول ما احب للمنتديات
وهو اعلى مشاركات اليووم
ههههههههههههههههههه

اي صح تذكرت الاختباراات على الابوااب
شدو حيلكم ولايلهيكم المنتدى
^^

انا من الاسبوع الجاي يمكن ما اكون متواجد
او ادخل كليوم مره وحده بالليل
^^
من شاان الاختبارااات

اسيرالكبرياء
22-12-2011, 10:06 AM
http://www.youtube.com/watch?v=IuZmtprcCgk

اسيرالكبرياء
23-12-2011, 12:01 AM
اليوم الخميس
27/1/1433

اليوم الجو حر اصلا الجو هلايام صاير كله حر

طبعا اليوم كله ماطلعت من البيت الى تو رحت جبتلي عشى
اففف اليوم ام الطفش , حسيت كاره نفسي

ماباقي شي ماسويته , سوني ولعبت , نت وماباقي موقع مادخلتله
اتصلت على واحد من الشباب قلت اضيع وقت , صرفني وسكر بوجهي :5wa6-11:
قلت اروح اتروش يمكن يروح الطفش وباقي ماراح
بس بالنهايه سولفت مع شخص عزيز وراح الطفش ^^

قلت بشووف فلم رعب اغير جوو , يوم وصلت 21:14 دقيقه من الفلم خفت
قلت ياولد بعدين ماتنام بالليل
هههههههههه

خلك على سبيستون احسنلك :5wa6-1:
ـــــــــــــــــــــــــــــــــــــ

تو وانا اتصفح googel حصلت قصيدة حلوه لابن القيم , اخذت منها جزئيه اعجبتني
قلت ادونها هنا
^^
http://up.arab-x.com/Dec11/6oT86325.jpg (http://up.arab-x.com/)
ويقول لما أن يشاهد حسنها سبحان معطي الحسن والإحسان
والطرف يشرب من كؤوس جمالها فتراه مثل الشارب النشوان
كملت خلائقها وأكمل حسنها كالبدر ليل الست بعد ثمان
والشمس تجري في محاسن وجهها والليل تحت ذوائب الأغصان
فيظل يعجب وهو موضع ذاك من ليل وشمس كيف يجتمعان

ويقول سبحان الذي ذا صنعه سبحان متقن صنعة الإنسان
لا الليل يدرك شمسها فتغيب عند مجيئه حتى الصباح الثاني
والشمس لا تأتي بطرد الليل بل يتصاحبان كلاهما أخوان
وكلاهما مرآة صاحبه إذا ما شاء يبصر وجهه يريان
فيرى محاسن وجهه في وجهها وترى محاسنها به بعيان
حمر الخدود ثغورهن لآلئ سود العيون فواتر الأجفان
والبرق يبدو حين يبسم ثغرها فيضيء سقف القصر بالجدران
ريانة الأعطاف من ماء الشبا ب فغصنها بالماء ذو جريان
لما جرى ماء النعيم بغصنها حمل الثمار كثيرة الألوان
فالورد والتفاح والرمان في غصن تعالى غارس البستان

طبعا هذي مأخوده من قصيدة ابن القيم في وصف الحور العين
رزقني الله واياكم وحده منهم
آآآآآآآآآمــــــيـــــــــــــــن

اسيرالكبرياء
23-12-2011, 11:43 PM
اليوم الجمعة
28/1/1433

اليوم والله الجو حر يعني كالعاده
بعد ماطلعنا الملابس الشتويه رجع الحر <<والله حاله

طبعا اليوم ماكنت متواجد بالمنتدى
كان عندنا جمعة العايله وتوني جااي

طبعا ماباقي شي على الاختباراات وباقي مافتحنى كتااب
على قولت المثل (( فلها وربك يحلها )) ههههه

برب

اسيرالكبرياء
25-12-2011, 12:39 AM
اليوم السبت
29/1/1433
اليوم والله كان فيه لفحة برد
طبعا اليوم اخذت درجات بعض المواد
^^
الحمد الله كانت حلوه

وفليناها شوي بالجامعه
على ساس انه بنذاكر <<والله موب حول الدراسه ^^
وتو رحت لبيت صديقي هم علشان انذاكر
واخذتنا السوالف والعشى والحلا والسوني
ههههههههههههههههههههههههه
ورجعنا ولا ذاكرنا كلمه على قولت المثل (( تيتي تيتي ومثل مارحتي جيتي )):5wa6-6:
ههههههه

لا بس انشاء الله من بكرا خلاص ببدا اذاكر جد
^^
الصراحة اليوم اشتقت للمنتدى من زمان عنه :5wa6-17:

اسيرالكبرياء
25-12-2011, 10:37 PM
اليوم الاحد
30/1/1433

اليوم الجوو حر
طبعا اليوم انتهى اول شهر من هذه السنه الجديده
الله يتقبل منا طاعاتنا ويغفر لنا يسئاتنا

^^
الايام تمشي بسرعه
والاختبارات قربت
وكل يوم اقول بكرا ببدا ولا ابدا
وكل ساعه اقوول بعد نصف ساعه ببدا ولا ابدا
ههههههههههههههههه

الله يعين بس

ــــــــــــــــــــــــــــــــــــــــــــــــــ ــــــ
اليوم وانا اتصفح اليوتيوب
في مقطع مرا اثر فيني
عن الام
الله يخلي لنا امهاتنا
http://www.youtube.com/watch?v=EiedNTIYnOU

الي امه باقي عايشه
نصيحه تراهي باب من ابواب الجنه
:s76:
خلها راضيه عنك لو قبلت رجولها
غيرك متوفيه امه , منحرم من باب من ابواب الجنه
يتمنى بس لو يضمها
الله يخليك لي يا يمه وطول بعمرك

اسيرالكبرياء
29-12-2011, 11:43 AM
اليوم الخميس
4/2/1433

طبعا اليوم الجوور مرا برد ( جئ وقت الدفايات )
والاخلاق مرا متوتره

بعد بكرا الاختبارااات النهائيه
شي طبيعي المنتدى هالايام فاضي , بس صدقوني المنتدى موب حلو بدونكم

بالتوفيق للجميع بالاختباراات
اهم شي لاتنسون البراشيم ^^
او وقت الاختبار اجلس جنب مصري ^^

اذكر مرا من الحماس اول ما اخذت الورقه بديت احل يوم سلمتها طلعت ناسي اكتب اسمي
:5wa6-2:
يعني لا احد ينسى يكتب اسمه
^^
طبعا الحين تبدا الحوسه
الي بصور والي ناقصة دروس والي والي ... الخ
ماكانهم كانو بنفس الكلاس
:5wa6-33:

ههههه
يالله انا بطلع يمكن ادخل كليوم كذا 10 دقايق اتفقد المنتدى
:s71:

اسيرالكبرياء
01-01-2012, 02:07 AM
اليوم الاحد
6/2/1433
اليوم الجو كان برد خفيف
طبعا هلايام الخلاق مرااا
والنفسيه زفت

المناهج طويله ومايكفى نخلصها بيوم واحد
حتى والله شكلنا بندخل الاختبار بدون مانخلص المنهج

طبعا امس اختبرت محاسبه
الحمد الله كان مرا سهل
صدق انه كان12 ورقه او حولها بس الحمد الله

جد هالمره بالاختبارات في ضغط قووي
المشكله من الاهبل الي حط الجدول

اممم بس هذا الي حبيت اقوله
^^

اسيرالكبرياء
02-01-2012, 08:59 PM
اليوم الاثنين
8/2/1433


اليوم الجو كان روعه ^^

الحمد الله اول اختبارين تمام التمام
الله يسهل باقي الاختبارااات

ــــــــــــــــــــــــــــــــــــ

الصراحة في موضووع ودي اتكلم عنه
جتني فوق 14 رساله بالجوال
غير الي بالمنتدى
غير بعض الناس معي بالجامعه
الكل يباركلي بعيد راس السنه (( كرسمس ))
بس مارديت على اي واحد فيهم
شوفو وين وصلنا , انا خابر كان عندنا عيدين والحين 9
لا والمشكله حتى دول عربيه تحتفل وتحط الشجره حقتهم
http://www.youtube.com/watch?v=WNU3qvELqGY&feature=related
هل هذي امة محمد !!!!!!!!
الله يستر بس


طبعا بحث بالموضووع عن حقيقه هذا الكرسمس
للاسف طلع مثل ماكنت متوقع
شوفو ايش طلع
http://www.youtube.com/watch?v=-MMsVxbQArg&feature=related

الله يثبتنى على ديننا ويجعل القرءان العظيم ربيع قلوبنا
:5wa6-37:

اسيرالكبرياء
05-01-2012, 07:43 PM
اليوم الخميس
11/2/1433


اليوم الجو بررد مراا قمنا نتنافض من البرد هههه ^^

الحمد الله خلصت 3 اختباراات وباقي 3
الله يعدي الامور على خير
^^

ــــــــــــــــــــــــــــــــــــــــــــــــــ ـــــــــــ

ربي سبحانك ذنوبنا تصعد اليك
ورحمتك وسترك تنزل الينا
اللهم اغفر لنا وتوب واستر علينا في الارض ويوم العرض
لو شئت لامرت سبحانك وانت على الاعرش من فوق سبع سماوات
واهلكتنا , اللهم اغفرلنا وتوب علينا يا ارحم الراحيم

ــــــــــــــــــــــــــــــــــــــــــــــــــ ـــــــــ
اليوم وانا اتصفح اليوتويب
في موضووع حلو مراااا لفت انتبااهي
هو عن العلاقات المحرمه (( الصداقااات ))
طبعا لو تكلمت عنه بجلس ايام
بس في مقطع بوضح الي بقوله كله

http://www.youtube.com/watch?v=Z29PYgFX0KY&feature=related

:5wa6-11:
وين االي يعتبروون
انتبهو ياعالم

اسيرالكبرياء
05-01-2012, 10:06 PM
http://up.arab-x.com/Dec11/kYz90157.jpg (http://up.arab-x.com/)

اللهم ربي لقد ضحيت بأغلا واجمل ما املك
فأنت تعلم ان كنت مافعلت ذالك الى ابتغاء وجهك الكريم
الله ارزقني افضل منه وجمعنا بجنتك يا ارحم الراحيم
:5wa6-11:

اسيرالكبرياء
06-01-2012, 03:05 PM
اليوم الجمعه
12/2/1322

اليوم والله حر مرااا
اي صح نسيت
جمعه مباركه جميعا
^^

طبعا عندي اختبار اداره ماليه
اصعب شي في الحياه
اختباري الاحد وباقي مافتحتها
تو كذا جيت بذاكرها صدع راسي منها وسكرتها
الله يعين بس وربي خايف ما اجيب فيها درجات

يالله بحاول اذاكر لعل افهم شي منها
هههههههههههههههههه

اسيرالكبرياء
08-01-2012, 07:45 PM
اليوم الاحد
14/2/1433


طبعا تقريبا خلاص خلصنا اختباراتنا
^^

بس باقي بكرا
ويوم الاثنين الي بعده
وخلاآآآآآآآآآآص
هع

الصراحة احلى ايام دراسه عندي ايام الاختبارات
هههههههه
انواع الضحك على الطلاب وهم يغشوون
طبعا اعترف والله انا ماغشيت ابد بس غششت
ههههههههه

يقولك حب لاخيك ماتحب لنفسك صح :5wa6-32:

ـــــــــــــــــــــــــــــــــــــــــ
اليوم وانا اتصفح اليوتويب
لقيت مقطع اعجبني كثير قلت اجيبه هنا ^^

لآ تأتي آلأمنيآت إلـآ بـ : آلإستغفآر !
http://www.youtube.com/watch?v=28SC_Y5-A_U

اسيرالكبرياء
10-01-2012, 06:31 PM
اليوم الثلثاء
16/2/1433

اليوم الجو حر (( احس رجع الصيف ))
^^
بس مع ذالك احس اني مزكم اليوم وباديتني فلونزا
ههههه
الله يعين

طبعا انا معطل هع بس باقي يوم الاثنين اخر اختبار
وشكلي ماراح اذاكره الى قبل الاختبار بيوم
^^
ووو جدتي ملزمه علي الاسبوع الجاي اول ما اعطل اخذها للعمره
الحمد الله جتني عمره مجاناً
ميين قدي
هههههههههه

ووو بس هذا الي بقوله اليووم
^^

اسيرالكبرياء
15-01-2012, 11:54 AM
اليوم لاحد
21/2/1433

اليوم في مطر خفيف والجو براااد :s71:

الحمد الله بكرا اخر يووم عندي اختبار
:s71:
يوووه والله زمان عن المنتدى وعن المشاركات ^^

ــــــــــــــــــــــــــــــــــــــ

اممم اليوم جتني رساله على الجوال
مراا مرااا اعجبتني وقلت احطها هنا
انشاء الله تستفيدون منها

(( تخيل نفسك مكان محمد ))
هذي قصته
http://www.youtube.com/watch?v=GeZqAFvDnmM

:5wa6-11:

اسيرالكبرياء
16-01-2012, 08:45 PM
اليوم الاثنين
22/2/1433
اليوم الجووو معدل شديد البروده صيفا شديد الحراره شتاء
ههههههههههه
^^

حركتاااااات عطلت :5wa6-34:
بس ولو انا ززعلان
:s76:

توقعت ولو عضو واحد يقولي حركتات اسير مبروك عطلت :5wa6-15:
بس للاسف مافي
:5wa6-35:

المهم ماعلينا
:5wa6-4:
اهم شي انا مبسووووووووووووووووووط
:5wa6-15:

اسيرالكبرياء
19-01-2012, 11:49 PM
اليوم الخميس
25/2/1433
اليوم الجو حر مرااا

اممم
الصراحة اليوم طفشت مراا
http://up.arab-x.com/Dec11/9yb05969.jpg (http://up.arab-x.com/)
جالس بحالي
ما عندي شي اسويه
ماني من النوع الي يحب يطلع كثير مع الشباب بكل مكان
في اماكن ماتعجبني
:5wa6-35:

:s76:
مدونتي انا مرااا طفشان
ومتضايق

اسيرالكبرياء
22-01-2012, 12:58 PM
اليوم الاحد
28/2/1433


اليوم الجو مرا كان برد :5wa6-33:
هههههههههه
سوري مدونتي \
هلايام مراا احس المنتدى فاااضي
سوري لانه ما ادخل ولا اكتب فيك واجد
:s76:

ـــــــــــــــــــــــــــــــ
اليوم وانا اتصفح اليوتيوب
حصلت انشوده مراااا احبها
يارب تعجبكم ^^
http://www.youtube.com/watch?v=bjIFoI-dZhg
:5wa6-15:

اسيرالكبرياء
24-01-2012, 06:36 AM
اليوم الثلثاء
1/3/1433

اليوم بررررد مرااااااا :s76:

احم احم
طبعا من بدت الاجازه واحنا كنا بنساافر ^^
بس سبحان الله ما الله كتب :5wa6-6:
اليوم بعد ماصليت الفجر وتوني حاط راسي ابي انااام \

كان يجي اخوي يقولي بسرعه قووم بدل بنرووح قطر :5wa6-35:
قلتله حلمان الاخ:5wa6-4: اطلع وسكر الباب وراك
ههههههههههههههههههههه

بس طلع جد :5wa6-27:
يالله سي يو انا برووح قطر :5wa6-16:
اشوفكم يووم الجمعه

اسيرالكبرياء
29-01-2012, 09:49 PM
http://im21.gulfup.com/2012-01-29/1327862927791.png (http://www.gulfup.com/show/X8zm5xp0qg1csc)

اسيرالكبرياء
31-01-2012, 12:06 AM
اليوم الاثنين
8/3/1433اليوم الجو برد شووي
^^
طبعا اليوم رحت الجامعه وقابلة الحلو امير الشووق
هههه
علشان الجداول طبعا كالعاده انا حظي نحس
انا الوحيد بالكلاس الي مانزله جدول
برووح بكرا اشووف ايش اخرتها معهم
^^
ــــــــــــــــــــــــــــــــ

طبعا اليوم رحت فندق مرااا روعه كان عندهم معرض اليوم الصيني عجبني شي وصورته
مسووين زي تمثاال دلافين بس من الثلج
^^
http://up12.up-images.com/up/viewimages/49c17b9fed.jpg (http://fashion.azyya.com)

وهذي صورة المدخل
http://up12.up-images.com/up/viewimages/f32bb758fa.jpg (http://fashion.azyya.com)
طبعا اول مره بحياتي اكل السوشي هههه
استغفر الله موب حلوه :5wa6-35:
ههههههههههههههههههههههههههه
جست هذا الي صاار اليوم
:5wa6-17:

اسيرالكبرياء
31-01-2012, 11:53 PM
http://im10.gulfup.com/2012-01-31/1328043165131.png (http://www.gulfup.com/show/Xwk4nqmieerzq)

احم احم هذا الرد محظوور
لاسباب امنيه
:5wa6-2:

اسيرالكبرياء
01-02-2012, 12:29 AM
http://www.youtube.com/watch?v=ShuYdHEqJGM&feature=related

اسيرالكبرياء
02-02-2012, 02:47 PM
http://im22.gulfup.com/2012-02-02/1328183176691.jpg (http://www.gulfup.com/show/Xbp7uk2e6m0q)

اسيرالكبرياء
02-02-2012, 02:49 PM
http://im22.gulfup.com/2012-02-02/1328183325174.jpg (http://www.gulfup.com/show/X390gqlml5ss3)

اسيرالكبرياء
09-02-2012, 08:10 PM
اليوم الخميس
17/3/1433

اليوم الجووو متقلب مراا برد ومرااا حر

مدونتي الايام هذي مرا متغيره احس الايام قصيره اصحى من النوم اصلي الفجر
وما احس الى اذن العشااء

وغير كذا احس الناس انشغلو في نفسهم
حتى لو انت وسط اهلك تحس انك غريييب

الله يستر من الايان الجاايه
:s76:

اسيرالكبرياء
10-02-2012, 01:13 AM
http://up.arab-x.com/Jan12/Zsn25220.jpg (http://up.arab-x.com/)
مدونتي ..
مدري ايش اقول بس احس اني وحيد وخايف ..
اهلي قبل شوي وهم جايين مع اخوي صار لهم حادث ..
والله تعورو شوي والسيارات انعدمو ..
اول ما وصلت حصلتهم بالشارع واقفين ..
والي يصرخ والاطفال يبكون والناس زحمه ..
كلها ازمه وبتعدي ..
ومع ذالك الحمد الله على سلامتهم ..

اسيرالكبرياء
20-02-2012, 11:41 AM
اليوم الاثنين
28/3/1433ا

ليوم الجو حلوو وبراد شوي
^^
الايام تمشي بسرعه هههه
اليووم جبت قصه فيها حكمه حلوه
احم احم
يحكى أن ملك أمر بتجويع 10 كلاب لكي يضع كل وزير يخطئ
معها في السجن
بعد مدة قام احد الوزراء باعطاء رأي خاطئ للملك , فامر برميه للكلاب فقال له الوزير انا خدمتك 10 سنوات وتعمل بي هكذاوطلب من الملك ان يمهله 10 ايام
...
فوافق الملك على ذلك
ذهب الوزير الي حارس الكلاب فقال له أريد ان أخدم الكلاب فقط لمدة 10 ايام فقال له الحارس وماذا تستفيد فقال له الوزير سوف اخبرك بالامرمستقبلا فقال له الحارس لك ذلك فقام الوزير بالاعتناء بالكلاب واطعامهم وتغسيلهم وتوفير لهم جميع سبل الراحه

وبعد مرور 10 ايام جاء تنفيذ الحكم بالوزير وزج به في السجن مع الكلاب والملك ينظر اليه والحاشيه

فاستغرب الملك مما رآه وهو ان الكلاب جائعة وتناظر تحت قدميهفقال له الملك ماذا فعلت للكلاب ؟؟
فقال له الوزير خدمت هذه الكلاب 10 ايام فلم تنسى الكلاب هذه الخدمه وانت خدمتك 10 سنوات فنسيت كل ذلك

طأطأ الملك راسه وامر بالاعفاء عنه
هههه
انشاء الله استفدتو شوي
:5wa6-15:

اسيرالكبرياء
20-02-2012, 11:47 AM
ههههههههههههههه
وجبتلكم قصه خفيفه
^^

الفرق بين المصري والسعودي عند اعلان درجات الاختبار
* المصري **

الأستاذ: محمود طه مرتضئ رمضان
المصري : ايوا يأستاز ده أنا هنا*
الأستاذ : ده انتا طالب كويس وشطور
المصري : ينتفخ رأسه ويشوف دار ماداره
الأستاذ: أمم تستأهل 9 مـن 10
المصري: حرام عليك يامعلم ده انـا ماغبتش ولا يوم زودها شويه
:'(
الأستاذ: لا دي كافياتك احمد ربك
المصري: أبوس رقلك ياباشا خلها 10
وبعد مايصصيح المصري شوي وينتحرب للأستاد يعطيه 10 )


السعودي
الأستاذ:فلان بن فلان
السعودي : مايرد يسوي روحه راقد أو يسولف
الأستاذ: الزفت ده فين ؟
السعودي : يطلع صوته مـن اخر الفصل ويرد عليه زفت جابته امك
الأستاذ: ئلت أيييه :/
السعودي : لا أقول كم درجتي
الأستاذ: ده انتا بأين عليك لعاب
السعودي : لا استادي أبدد
ألاستاذ: 3 مـِن 10
شوي الا صوت مـِن آخر الفصل ( اقعد يادفور 3مـِن 10 يلعن شكلك شاطر )
السعودي : يلتفت ويقول قول مأ شاء اللہ لا العن جــــــدك الأستاذ: يالله ارقع مكانك يابني
السعودي : طيب مافيه زيادة منا ولا منا
الأستاذ: لا لا مش ممكن
السعودي : استاد أنت سيارتك مرسيدس موديل 84 صح الأستاذ : مأ شاء الله عليك أنتا طالب ممتاز حتاخد 10 من 10

عرف السالفه فيها تكسير السياره

اسيرالكبرياء
21-02-2012, 07:19 PM
هههههههههههههههههههه
حركتات والله
http://www.youtube.com/watch?v=6tDYt9Qe5Uo&feature=g-all-u&context=G2ad4595FAAAAAAAAAAA

اسيرالكبرياء
24-02-2012, 11:29 AM
اليوم الجمعة
2/4/1433

لكل بدابه نهايه , ناس تجي وناس تروح
هذي الدنيا ولازم نرضى
http://www.youtube.com/watch?v=VW2Jy3zqesM&feature=related

اسيرالكبرياء
11-03-2012, 04:06 PM
اليوم الاحد
18/4/1433
الحمد الله الدراسه تمام والامور كلها تمام
^^

اممم
اليوم شفت مقطع وبصراحه جد اثر فيني كثير
وعلشان اكون صريح معكم شفته اكثر من مره
انشاء يعجبكم
نصيحه شوفه كآآمل
http://www.youtube.com/watch?v=TKAL0YSDHIs
:s76:

اسيرالكبرياء
14-03-2012, 04:36 PM
http://www.youtube.com/watch?v=nBxElNBFUKA&feature=related

اسيرالكبرياء
01-05-2012, 07:31 PM
اعمل لدار البقاء رضوان خازنها ..... الجار احمد والرحمن بانيها

ارض لها ذهب والمسك طينتها ..... والزعفران حشيش نابت فيها

انهارها لبن محض ومن عسل ..... والخمر يجري رحيقا في مجاريها

والطير تجري على الاغصان عاكفة ..... تسبح الله جهرا في مغانيها

من يشتري الدار بالفردوس يعمرها ..... بركعة في ظلام الليل يخفيها

او سد جوعة مسكين بشبعته ..... في يوم مسغبة عم الغلا فيها

النفس تطمع في الدنيا وقد علمت ..... ان السلامة منها ترك ما فيها

اموالنا لذوي الميراث نجمعها ..... ودارنا لخراب البوم نبنيها

لا دار للمرء بعد الموت يسكنها ..... الا التي كان قبل الموت يبنيها

فمن بناها بخير طاب مسكنه ..... ومن بناها بشر خاب بانيها

والناس كالحب والدنيا رحى نصبت ..... للعالمين وكف الموت يلهيها

فلا الاقامة تنجي النفس من تلف ..... ولا الفرار من الاحداث ينجيها

تلك المنازل في الافاق خاوية ..... اضحت خرابا وذاق الموت بانيها

اين الملوك التي عن حظها غفلت .... حتى سقاها بكاس الموت ساقيها

افنى القرون وافنى كل ذي عمر ..... كذلك الموت يفني كل ما فيها

نلهو ونامل امالا نسر بها ..... شريعة الموت تطوينا وتطويها

فاغرس اصول التقى ما دمت مقتدرا ... واعلم بانك بعد الموت لاقيها

تجني الثمار غدا في دار مكرمة ..... لا من فيها ولا التكدير ياتيها

الاذن والعين لم تسمع ولم تر ..... ولم يجر في قلوب الخلق ما فيها

فيالها من كرامات اذا حصلت ..... ويا لها من نفوس سوف تحويها

اسيرالكبرياء
25-10-2012, 04:22 PM
اليوم الخميس
9/12/1433

اليوم الجوو مراا حررر
طبعا بعد مرور 11 شهر تقريبا رجعت للمنتدى
واول شي كنت متحمس مراا اني اشووفه
كشـــكولي

وربي بكيت وانا اتصفحه
ذكريات حلوه كثير
....................

اليوم يوم عرفه والحمد الله صايم اليوم
الله يتقبل من الجميع

بكرا اوول ايام عيد الاضحى ^^
كل عام وانتو بألف خير :q22:
طبعا الكل متحمس اليوم الى الخرفاان
مو الخرفان الي شسمى لالا قصدي خرفان حقيقيين ههههههههه
الله يكون بعونهم
http://im21.gulfup.com/Czac1.jpg (http://www.gulfup.com/?pcGRol)

http://im21.gulfup.com/N8AS2.jpg (http://www.gulfup.com/?E1u99d)

^^

..............................................
انا من النووع الي قبل العيد بيووم
يطير عني شي اسمه نووم ^^
افقد الشهيه للاكل :d4:
احس بشعور متخربط
مدري انتو نفسي ولا لا

............................................

هذي هديه لاغلى شخص بالنسبه لي
اقوله كل عام وانت بألف خير
:give_rose:
جست

اسيرالكبرياء
30-10-2012, 11:39 PM
اليوم الثلثاء
14/12/1433

اليوم الجو في نسمات برد
بس الصراحه جووو تحفه

ورحت امس من الفجر على البحر ^^
وربي المنظر والجو رووعه

الحمد الله خلص العيد على خير \
اممم اليوم حسيت وزني زاد شوي وسجلت بنادي رياضي ^^
صدق انهم كرفوني مرااا وطلعت متكسر بس الحمد الله ^^

.................................................

اليوم وانا اتصفح googel
حصلت ابيات حلوه عجبتني
قلت احطها بمدونتي

دع عنك ما قد فات في زمن الصبا واذكر ذنوبك وابكها يا مذنب

واخش مناقشـــة الحســـاب فأنـــه لابد يحصــي ما جنيت ويكتب

والليل ، فاعلم ، والنهـــار كلاهما أنفاسنـــا فيـــه تعــد وتحسب

لـــم ينســه الملكــان حين نسيتـــه بل أثبتــــــاه ، وأنت لاه تلعب

والروح فيــــك وديعـــة أودعتهــــا ستردها بالرغم منك وتسلب

وغرور دنيــــــاك التـــي تسعى لها دار حقيقتهـــا متـــــاع يذهب

وجميـــــع مــــا حصلته وجمعتـــه حقـــــا يقينـــا بعد موتك ينهب

تبــــــــــا لدار لا يدوم نعيمهـــــــــا ومشيدهـــا عمـــا قليـل يخرب

جست ..

اسيرالكبرياء
01-11-2012, 12:25 AM
اليوم الاربعاء
15/12/1433

اليوم الجووو بدا بيرد ^^
الله يعين قرب الشتااء
.................................

اليوم اول يووم لي بالنادي اسمه ( وقت اللياقه )^^
طبعا انا سجلت علشان بس اسبح والعب بالياردو

اول ماسجلت متحمس بروح اسبح كان يقولي المدرب وين رايح ؟؟؟
قلت اسبح !!
قال اول روح قيس وزنك وطولك وافتحلك ملف اول قلت طيب
دخلوني بغرفه وقاس طولي ووزني ومدري ايش
كان يقولي طولك تمام بس في مشكله ؟؟
وزنك زايد شوي
قلتله والله اني ضعيف :d13:
قالي تعال وانت ساكت ههههههه
لازم اتمرن حق الاياقه اوول وخلاني اتدرب على الاجهزه ساعتين
وربي تكسرت
يوم قلتله خلاص تعبت
قالي نعم اقول كمل وانت سااااااااااااكت
ههههههههه
والله خوفني قلتله سم طال عمرك :j-153:

المهم يوم خلصت قالي الحين رووح اسبح ^^
هههههههههههههههههههههههههههه

قلتله وربي انا سجلت علشان اسبح بس الحين ما اقدر حتى ارفع يدي
وطلعت ولا سبحت :j-155:

ومن بعدها ارتفعت حرارتي وعظامي والله احسها مكسره
ههههههههههههههههههه
وسحبت عليهم
طبعا اليوم مارحت ^^

.....................

اليوم وانا اتصفح ال ask
حصلت اشياء اعجبتني قلت اجيبها هنا ^^

#
: ​​عيني وهي عيني ؛ تعآني من سنين !
بديت أحس إن صبر عيني : ورآثه !
يطيح منھآ في السنه : وآحد / اثنين !
والشھر هذآ . . طآح منھآ ( ثلآثه )" </3

.......................................

♈̷̴
ۆصفَ احدهمَ عصرناا '
اﻟذي نعيش فيه " بدقہ *
فقاال: كل شيء رائع جدااً
ۆﻻا احد سعيد = ..
_ حقيقہ ♡̷̷̷̷̷̷̷♡̷̷̷̷̷̷
......................................

›¸!̴↓‘
​لا ﺗﻤﺷي ﺄبدﺂ
ﻋﻠى اﻟطرﯾق اﻟﻣرﺳوﻡ
لاﻧہ ﺳﯾقود? ﺣيث
ﺫھب ا̄ﻟﺄﺧہڕون

ﺄﺻﻧع ﺧطوﺎتک بـ ﻧفسڳ
.......................................

›¸!̴↓‘
ليست الرجولہ ان تصرخ بوجهه
ﺎمرأة
أو طفل
او مسكين
او فقير
الرجولة هي ﺎن تحترم هؤلاء .. الاربعہ هَ ...!!!
......................................

'
مااني ب داخل بۆسط قلۆب خلق اللہ!
لكنيء ​اعرف @' عدۆي مں محبينيء♡̷̷̷
اعشق هل ​الطيب ۆاكره #عاشق_الزلہ
ۆااقدر ​االلي ~ ٺعنى يۆمہ يجينيء ♡ '
.....................................

+
​لآتلۆمنِي لآ صّرتَ مآ آهٌتم ،، لأحساسك
رآجع حسّآإَبڳ وشِۆف تَقصّيرك </3 !!
.......................................


#
ﻟῑإ ﺗﺣﺳﺑوﻧي ﺑ̵̵̵̵̵̵ ῑﻟﻗﺻῑإﯾد ῑﺗرﺟῑإهه
ﮪﯙ ﯾﻋرﻓنيٌ زﯾن / ﯙﯾﻋرف ﻃﺑﻋي
ﻣن ﺻد ﻋنيٌ ﻣῑإ ﺗﻣﻧﯾت ﻟﻗﯾῑإةهه
ﻟﯙ ﮔﻧت ῑﻋدههٌ ﻣن ﻣﻃῑﻧﯾخ رﺑﻋي
(y)</3
.................................

الجو روعہ ناقصہ ~
بس لقياك يسعدّ مسائكك جيت
في هاجسي تو ♡ '
يَ ليتني يَ اريش العين وياكك
ايديّ ف ايدك ونتمشى ~
في ھ الجو ♡
..................................

ﺎالنفوس , ﺎالواافيهہ / `
رغم ﺎالمصاايب ' مَ ٺميل $ !
ۈ ﺎالشمس : كثثر ﺎالسحااِب ..
# ماا ‘ يغطيّ نوَرههاا ♡̷̷̷̷̷
....................................
ماا اابشع اان تأتي الحقائق المرّه ،
على شكل : مزحة تاافهہ ') !<3!
.........................................

ادريء أفترقنا وكلهم صفقوا ل?
ماا صدقوا لفراقنا ينفتح باب ..
واذا فرحوا لفراقناا واضحكوا ل?
ب?ره بغيابي بتندم كثر آلتراب (n)!
......................................
›¸!̴↓‘
​​​​لآتجعل ﺂلحياة ﭠغير ﺂبتسامتكَك ..
بل ﺂجَعل ﺂبتسَامتك
ﮬي ﺂﻟﭠي ﭠغير حيَآتكك
...................................

›¸!̴↓‘
ﺷﻓ̵ت וﻟﻗﻣر ﻛﯾف ﯾﺳﺣر וﻟﺧﻟق ﺑﻧۈره
ﻣﺛﻟک וﻧت (ﺗﺳﺣرﻧيَ) ﺑﻧظرة ﻋ̵̵̵ﯾۈﻧک.@.:
.....................................
›¸!̴↓‘
​هنآإك اشخآص ﻵإ احادثهم
كثيرا ولكن احترمهم حق
آلآحترإمم ..♡
......................................

سوري طولت عليكم ^^
بس هذا الي عندي اليوم ^^
جست ..

اسيرالكبرياء
04-01-2013, 10:23 PM
احم احم
:give_rose:

اسيرالكبرياء
16-06-2013, 01:04 PM
اليوم الاحد
7/8/1434



سبحان الله الدنيا تمشي بسرعه ^^
طبعا رجعت لكم بعد 8 شهور ههههههههه


اهم شي اني موثق يومياتي ^^ اذا مت او صار لي شي لاقدر الله
وقريتو مدونتي لاتنسوني من الدعاااء
ههههه كنت بيوم من الايام عضو مبدع ^^


المهم نبدا بسالفت اليوم ^^
امس كان اول سوم لي بالتطبيق الصيفي للجامعه
رحت متحمس وكلي نشااط
اول مادخلت تفاجأة في بناااااااااااااااااااااات :j-58:
ههههههههههه اهلا بالزين

المهم دخلت على المدير قالي اسف تفاجأنا فيك خذ اليوم اجازه على ما نرتبلك مكان ونشوف المشرف لك وزي كذا

وانا اقوله لا بليز خلني اشتغل :d33: ههههههههه طبعا علشان البنات :j-83: ايش حسبالكم
ههههههههههههههههههههههه

المهم رجعت البيت
واليوم رحت لكم كاشخ مستعد طبعا هالمره كاشخ للعمل << صدقني يعني :j-12:
ويوم دخلت كالعاده متحمس
كان يقولي المدير اسفين خذلك باقي اليوم اجازه جالسين نسويلكم البرنامج ونسويلكم مكان وكذا يعني

طبعا انا لم اتماسك دموعي :assrt:
مسكين ابي اشتغل ههههههههههههههههههههههههههههههه

وللحين جالس انطر متى يجي اليوم الي يتصل علي ويقولي تعال داوم :102:

وخلصة القصه ^^

اسيرالكبرياء
21-06-2013, 04:06 AM
اليوم الجمعه
12/8/1434

طبعا الايام الحين مرا حررررررررر :d33:

اممم مدونتي مافي شي اقوله بس مدري احس مشاعري مخربطه
http://www.5wa6.com/up/uploads/images/domain-23f7065069.jpg (http://www.5wa6.com/up/uploads/images/domain-23f7065069.jpg)


هذي النشيده حلوه ^^
كنت اسمعها كثير
http://www.youtube.com/watch?v=0_mxOLJ9--Y
تصبحون على خير
:q26:

اسيرالكبرياء
22-06-2013, 04:48 PM
اليوم السبت
13/8/1334


اليوم كان اول يوم دوام لي
كانت وضيفتي اليوم اجمع الفواتير واقسمها وارتبها على حسب التواريخ

طبعا هذا مدخل المكاتب

http://im32.gulfup.com/wRlxR.jpg (http://www.gulfup.com/?q6Sj4c)


وهذا الممر

http://im32.gulfup.com/qnnK1.jpg (http://www.gulfup.com/?fD4qOU)
http://im32.gulfup.com/obbUd.jpg (http://www.gulfup.com/?r23Jpr)
وهذي النكبه ( الفواتير )

http://im32.gulfup.com/B2HPW.jpg (http://www.gulfup.com/?xQVHDB)
http://im32.gulfup.com/q6JOK.jpg (http://www.gulfup.com/?nNmvcz)

بث هذا الي صار اليوم


اممممممم مدونتي اليوم انا جد متضايق بعدين بكتب فيك ^^

اسيرالكبرياء
27-06-2013, 03:07 PM
اليوم الخميس
18/8/1434


اممم طبعا جونا حرررررر مووت
واليوم حركتات عندنا اجازه 3 ايام خميس وجمعه وسبت ^^

طبعا مافي شي اليوم
بس جبت لكم مقطع حلو
غير فيني اشيااء كثير

http://www.youtube.com/watch?v=HTvq09NjJDo

اسيرالكبرياء
01-07-2013, 10:54 PM
اليوم الاثنين
22/8/1434


مدونتي امممم
ايش اقول وايش اخلي
وربي ماني فاهم شي ابد ليه الناس كذا ليه ..
ليه يتغيرون ...
ليه مايهتمون ..
ليه مايحسون ..
لـــــــــــــــــــــيـــــــــه ..


اممم سوري كشكولي بس مالي غيرك افضفض لك تحملني
اممم بفقدك بغيب عنك مده بشم هوا برجع نشاطي من جديد
بس لاتخاف مابنساك ^^
انت صديقي الوفي
سيو
:d5:

اسيرالكبرياء
01-07-2013, 11:22 PM
وربي ساعات جد جد احس وجودي نفس عدمي
عرفو
ولاتحملو يبقون ..
اااااااااااااااااااااااااااااااااااااااااااااااه
اكره الاحساس ذا
اكره كل شي فيني
اكره الخجل واكره الكتمان واكره اني اصير حساس
واكره الاهتمام الزايد اكره كل شي
اكره الكل

:j-14:

اسيرالكبرياء
13-11-2013, 06:27 PM
اليوم الاربعاء
10/1/1435

ما اجمل تلك اللحظات عندما تقرأ ما خطته يداك بعد كل تلك السنين
تتذكر تلك الايام وزيد لديك الشوق عند كل سطر تذرف عيناك بالدموع شوقا وحنين للرجوع الى تلك الايام
تركنا وراءنا الكثير
اُناس رحلو واُناس ضلو بجانبا واُناس قادمون
تلك هي الايام
مهما حصل لاتترك شي يشوه ذكرياتك لدى الغير
شعور مبعثر ..

اهلا كشكولي ^^
دخلنا النسة الجديده الله يالدنيا
كل شي يمر بسرعه كانه طيف
المنتدى تغير الاعظاء تغيرو هههههههه
اصلا ما ااعرف احد هنا ^^
تقريبا كل الي اعرفهم راحو
كل واحد في طريقة ..

اهم شي اعترف اني حبيتهم كلهم واتمنى لهم سعاده ماتفارقهم

اسيرالكبرياء
10-05-2014, 01:15 PM
اليوم السبت
11/7/1435

اهلا كشكولي ^^ وجعتلك من جديد بس هالمره رجعت لك بفرحك قد هالكون ^^
ابشررررررررررررررركم انا
تــــــــــــــــــــــــخـــــــــــــــرجـــــــ ــــــــــــــــــــــــــــــت من الجامعة ..
طبعا انا واخوي تخرجنا سوا بنفس اليوم ^^
والله السنوات مرررة بسرعه طبعا يوم الحفل لازم نوثقه وهو من اجمل لحظات حيات الانسان
يب يب مانسيتكم جبتلكم الصور ^^
بس قبل ما ابدا بالصور احب اشكر كل من جاء للحفل علشاني وكل من باركلي وكل من اهدالي هدية
وكل من فرح لي وكل من صورني اقولهم احبكم :d10:

طيب نبدا
هذي صورة بشت التخرج مع دعوات النساء طبعا اعطوني 3 بطايق للنساء ودعوة الرجال مفتوحة اعزم الي تبي

http://im88.gulfup.com/jBdatg.jpg (http://www.gulfup.com/?rQHdFS)

على طاري الحفل خليني اقولكم قصتي مع الحفل هههههههههه
اول شي كنت متردد احضر الحفل هههه مدري كنت كذا شعوري متخربط خايف على فرحان على مرتبك على مدري ايش المهم ماكان ودي اروح بس الوالد كأنه اقنعني اروح قالي لازم تروح تفرحني وتفرح امك وتنبسط انت هذا يوم واحد بالعمر شوف انا الحد الان وعندي بشت التخرج صار له عندي اكثر من 30 سنه محافظ عليه لانه ذكرا المهم عطاني من هذا الكلام
الصراحة كانه حمسني شوي ارووح
طبعا هذا غير معاناتي بتقصير البشت والاستعدادات وكذا المهم يوم الحفل اول مادخلت كان الجو بشكل عاام رووووووووعة
جلسونا على مدرجات لابسين البشوت وحركتات هههههه وعطونا شهادات تكريم طبعا ضيعتي حقتي هناك ههههههه المهم يوم جاء وقت المسيره
كذا نلف على المسرح ونسلم على الناس ههههه من شدت الفرحة حسيت اني بطيح
طبعا شعور خيالي لما تذا تمشي وتسلم على الناس ويقولون اسمك وتسمع انواع التصفيق والتصفير والصراخ والاناشيد والحركتات شعور مايوصف الصراحة
ويوم خلصنا صورنا صوره جماعية غير العرضة والحركتات الي صارت ^^

هذي اول هدية جتني من اختي ام عبدالعزيز الله يجزاها خير ^^

http://im63.gulfup.com/Fv3bh1.jpg (http://www.gulfup.com/?VayiHh)

وهذي الصورة على المدرجات قبل المسيرة

http://im58.gulfup.com/q2Phpr.jpg (http://www.gulfup.com/?SGt0T3)

وهذي هدية من انسانة عزيزه علي :give_rose:
http://im57.gulfup.com/l8pprN.jpg (http://www.gulfup.com/?4xiJAB)

وبالنهاية كان معكم الخريج اسير الكبرياء

http://im55.gulfup.com/2BCFs7.jpg (http://www.gulfup.com/?8ZtipK)

اسيرالكبرياء
18-06-2014, 11:10 PM
اليوم الاربعاء
20/8/1435

كشكولي الجميل ^^
حركتات قرب رمضان والله اني مشتاقله مراا
طبعا رجعت شوي للمنتدى
وتعرفت على اعضاء كثير
والحمد الله كلهم حبوبين وحركتات

بس هذا الي حبيت اقوله اليوم

اسيرالكبرياء
20-06-2014, 01:38 AM
http://www.youtube.com/watch?v=zkETu4F3hx0

اسيرالكبرياء
21-06-2014, 04:22 PM
اليوم السبت
23/8/1435

احم احم
طبعا اليوم حاب اتكلم عن مشكله دايما تواجهني
الي هي بطاقة الاحوال
ههههههه
طبعا النظام عندنا انها ماتتغير الى بعد 10 سنوات
طيب سؤال ! الي صورة كانه ورع
هههههههههه

طبعا عانيت منها كثييييييييييييير
ما اقدر افتح حساب ولا اقدر اصرف شيك
والادها والامر على قولتهم اذا وقفت عند التفتيش
يقولي لو سمحت الرخصة طبعا الصوره الي بالاحوال هي نفسها بالرخصة
هنا اتردد اعطيه وهو يحسبني ماعندي
هههههههههه
واذا عطيته يجلس يضحك على صورتي
او ساعات يجيك واحد ويسحب الرخصة يقول ذا مو انت
المهم بعد ذا كله
قلت برتاح وبغيرها هههههه
امس حجزت موعد بروح بكرا اغيرها
الله يعين ان شاء الله تطلع حلوه مو تفشل
^^

اسيرالكبرياء
21-06-2014, 06:34 PM
^^

بعد تدريب طوووووووويل
قدرت اتقنها ( الفراشه )

http://im70.gulfup.com/HPxVyO.jpg (http://www.gulfup.com/?tvN4Kv)

اسيرالكبرياء
06-07-2014, 04:44 AM
اليوم الاحد
9/9/1435

احم احم ^^
الحمد الله دخلنا برمضان
ههههههههههههههه
انتو نفسي اول يوم تصدعون وكذا ولا بس انا :j-23:

امممم
جالس ادور لي وطيفه او بعثه او دراسه
ههههههههههههههه
او اي شي

الصراحة اممم مدري
بس مو حلو لما الواحد يتخرج ويضيع مايدري وش يسوي بعدها
هههههههههههههههههههه
الصراحة ودي ارجع ادري احسن لي ^^

اسيرالكبرياء
22-07-2014, 10:16 PM
اليوم الثلثاء
25/9/1435

قال تعالى : ( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَّرْضِيَّةً فَادْخُلِي فِي عِبَادِي وَادْخُلِي جَنَّتِي }

ان لله وانا اليه راجعون انتقلت الى رحمة الله عمتي
ادعو لها بالمغفرة والرحمة. الهم ثبتها عند السؤال، ونقها من خطاياها كما ينقى الثوب الابيض من الدنس، الهم اغسلها بالماء والثلج والبرد واجعل قبرها روضة من رياض الجنة، انك سميع بصير تجيب دعوة الداع اذا دعاك